｛重新探索鯉魚門｝
以前去親鯉魚門，都係去食海鮮🦐🦞🦀🐠，所以都係食吓野，買吓手信就走，但原來鯉魚門仲有好多地方我未行過，亦都好值得一去！🤩🤩
去到鯉魚門，一路直入穿過晒所有餐廳同酒樓，首先會見到賽馬會鯉魚門創意館，我入去行個圈，感覺有啲弱😅，大家可以隨心揀入唔入去。🧐
之後再繼續行啊行，就會經過一排彩繪牆🧑🏻🎨👩🏻🎨，係小朋友嘅傑作，另外仲有啲位置有人畫緊，相信再遲少少去，會更多嘢睇👀！
行過彩繪牆，就會到天后廟，天后廟外有條小路唔知去邊🤷🏻♀️，膽粗粗行上去望下，無耐就遇到塌樹擋路🌲，所以快啲調頭走人↪️！
想拜拜嘅就可以入去天后廟🙏🏻，唔使拜拜就直接穿過天后廟，又係繼續行啊行，當你見到牆上寫住石礦場，咁就差唔多到下一個景點啦🙋🏻♀️！
有沙、有海、有景，仲有芒草啊🌾！以前要映芒草，就要去大東山、鹿頸，最起碼都去馬鞍山昂平，但原來鯉魚門石礦場都有！即刻少女心爆發，瘋狂打卡！📸📸📸
離開時，差唔多到日落🌅，映埋個日落就完滿結束今日個行程！
Search